Biblioteca do CEIP de Ponte Sampaio

Biblioteca do CEIP de Ponte Sampaio
Preme a imaxen para ver a nosa biblioteca

luns, 21 de maio de 2018

VISITA BIBLIOTECA MEDAL

Hoxe os alumnos de primeiro e segundo saíron  coñecer un pouco máis a contorna.
Comezaron cun paseo por un tramo do camiño de Santiago, que pasa pola Ponte.
Acompañounos
José Luis Carragal, logo levounos ver a exposición sobre Mª Victoria Moreno que inauguraron o sábado 19  na Biblioteca Medal, na antiga escola.
Remataron esta saída dando un paseo ata a illa de Medal,

A clase de 1º na ponte da illa de Medal
A clase de 2º na ponte da illa de Medal
onde merendaron e pasaron o resto da mañá. 


O grupo diante do pombal da illa de Medal
Non podemos deixar de agradecer a  axuda desinteresada que
 José Luis Carragal nos prestou.

ONDA CERO

OOOLA!!

   HOXE VIÑERON DE  Onda Cero  A GRAVAR OS CONTOS DE MULLERES QUE RECOLLIMOS PARA O TRABALLO DO SALÓN DO LIBRO DESTE ANO.

 










OS ALUMNOS E ALUMNAS DA CLASE DE 6º DE PRIMARIA LERON E GRAVARON CON LORENA ESTAS HISTORIAS.

   ESTES RELATOS VANSE EMITIR NA RADIO AO LONGO DO MES DE XUÑO E DE OUTUBRO.
ESTOU ESPERANDO SABER AS DATAS EXACTAS E O SEU HORARIO PARA CONTÁRVOLO E ESCOITALOS. 
ATA LOGO!!

venres, 18 de maio de 2018

TERCER PINCORETO


OOOLA!!
HOXE É VENRES!!
   REMATOU O TEMPO PARA RESOLVER A SEGUNDA QUENDA DOS PINCORETOS.


        ESTO ESTÁ MOI INTERESANTE.
   HAI VARIOS EMPATES NO PRIMEIRO POSTO, NO SEGUNDO E NO TERCEIRO POSTO.

   PARA VER SE DESFACEMOS OS EMPATES, ESTA QUENDA VAN SER TRES ADIVIÑAS E XA É O REMATE.

CONTINUAMOS COS ANIMAIS.

AHÍ VAN ADIVIÑAS.

primeira:
   COLGADO CABEZA ABAIXO,
DURMO SEMPRE SEN RECHISTAR
POLA NOITE ME LEVANTO,
SALGO UN RATO A VOAR.

2ª ADIVIÑA:
  PUÑADITO DE ALGODÓN,
BRINCA SIN TON NI SON.

3ª ADIVIÑA:
  CAL É O BECHO PEQUEÑO.. 
SEN ÓSOS E sEN ESPIÑAS? 

boa sorte!!

      NORMAS DO PINCORETO:    :
 1.      as respostas clariñas Co voso nome co curso no que estades (NON SON ADIVIÑO).
 2.      DEIXADE AS RESPOSTAS NA CAIXA DOS OLLOS QUE ESTÁ NOS EXPOSITORES DA ENTRADA.
3. HABERÁ UNHA LISTAXE COS GAÑADORES E GAÑADORAS AO REMATE DESTA ACTIVIDADE NO BLOG E NO MURAL DA BIBLIOTECA.
 4.      TEDES DÚAS SEMANAS PARA RESOLVER CADA PINCORETO.

mércores, 16 de maio de 2018

Díptico Letras Galegas 2018


OOOLA!!
GÚSTAME MOITO O VOSO DÍPTICO PARA O DÍA DAS LETRAS GALEGAS DESTE ANO.
DESPOIS DO TRABALLO QUE LEVASTES PESCUDANDO SOBRE A VIDA DE Mª VICTORIA MORENO, E FACENDO A MONTAXE  O RESULTADO PAGOU A PENA.
NORABOA AOS ALUMNOS E ALUMNAS DE SEXTO CURSO POR ESTE TRABALLO QUE COMPARTIREMOS CON TODA A COMUNIDADE EDUCATIVA.
ATA PRONTO!

luns, 14 de maio de 2018

Montse Fajardo


A escritora e periodista Montse Fajardo visitou hoxe o noso colexio para presentarnos o seu libro “O escalón de Ulises”.
Comentounos que no seu libro fala da parte máis humana e persoal da traxectoria vital de Mª Victoria Moreno a través da mirada daquelas persoas que máis a apreciaban.

O alumnado de primeiro a sexto de primaria, en dúas quendas, foi o que gozou desta actividade tan enriquecedora e emocionante para todos xa que, unha profesora do colexio e mailos pais dalgúns nenos foron alumnos de Mª Victoria Moreno en Pontevedra.
Grazas a Montse Fajardo souberon  un chisco máis  do que lle levou a escribir os seus libros.
Houbo dous libros  especiais para Mª Victoria Moreno: “Don Quijote de la Mancha” e “O principiño.
Dentre toda a súa obra, “Leonardo e os fontaneiros” era o seu libro favorito.

Cando Montse rematou a súa presentación houbo unha rolda de preguntas bastante interesantes.
 O alumnado de cuarto compartiu con ela unha  poesía que fixeron sobre Mª Victoria Moreno.
Nenos e nenas de 6º de primaria amosáronlle o díptico feito sobre Mª Victoria Moreno.
Graciñas Montse por vir presentar o teu libro ao noso colexio.

mércores, 9 de maio de 2018


OOOLA!!

ESTADES FEITOS UNS ARTISTAS!

GUSTÁRONME MOITÍSIMO ESTES DEBUXOS QUE FIXESTES DA SAÍDA Á BIBLIOTECA DE ARCADE.

A QUEN LLE ACORDA QUE PODIAMOS LER NAS LETRAS ESPALLADAS DO MURAL DA ENTRADA?
MOI BEN!
“MUNDO GOMINOLA”

AHÍ VOS DEIXO AS VOSAS OBRAS

ATA LOGO!

martes, 8 de maio de 2018

Saída a Biblioteca de Arcade.


Hoxe fomos dando un fantástico paseo con todo o alumnado de educación infantil á biblioteca  municipal “Luis Seoane” de Arcade.
Recibiunos Marisa, colaboradora voluntaria da biblioteca. Presentouse e tamén ao persoal:  á bibliotecaria Graciela e aos axudantes da biblioteca.
Amosoulle aos nenos e nenas os distintos espazos que teñen alí e para que son.
Fíxolles ver que podían atopar na biblioteca ademais de libros, música, películas, xornais, revistas…
Logo de percorrer todos os espazos, sentáronse na alfombra e falaron dos distintos tipos de soportes de libros: para ler na auga, de tea, de papel, de cartón, con distintas formas, con música, duros, brandos… e en forma de acordeón, mais o conto que favorito foi “Pipi, caca”.

Tiveron tempo libre para ler, mirar, compartir e buscar contos de todo tipo e tamaños.

Aproveitamos  a andaina indo ao parque de xogos a merendar e xogar.
Rematamos a saída volvendo a pé paseniño ao colexio.
Graciñas a todo o personal da biblioteca "Luis Seoane".

venres, 4 de maio de 2018

Antonio García Teijeiro


O escritor Antonio García Teijeiro visitou hoxe o colexio de Ponte Sampaio e compartimos con el unha xornada inesquecible.
Comezamos coa presentación do autor polos alumnos e alumnas de 6º de primaria.

Logo de falar con todos, recitounos algúns poemas do seu libro Poemar o mar” co que gañou o Premio Nacional de Literatura Infantil 2017.

 Deseguido fixo con nós un xogo poético que tivo a todo o mundo engaiolado. 
Presentounos a Honorato, o rato namorado”, que moitos xa coñecían.

Algúns alumnos e alumnas de infantil e de primeiro agasallárono recitándolle algúns poemas seus.

Logo dunha entrevista que lle fixeron nenos e nenas de 6º con preguntas recollidas por todas as aulas, o escritor asinoulle os libros que trouxeron da casa.
De seguro que non lle esquece a ninguén esta memorable visita.

Lembrade ben o que dixo:

Para escribir ben, o más importante e LER MOITO.


Graciñas Antonio por facernos pasar estes gratos momentos.

OOOLA!!
         HOXE É VEEENRES!!

REMATOU O TEMPO PARA RESOLVER A PRIMEIRA QUENDA DESTES PINCORETOS.

SOLUCIÓN Á 1ª ADIVIÑA: ABELLA/ABEJA 
ACERTARON OITO DE NOVE.


"UNHA DAS SOLUCIÓNS NON VALE PORQUE NON ESCRIBIU DE QUE CURSO ERA".

SOLUCIÓN Á 2ª ADIVIÑA:  BUFO/BÚHO.
     ACERTARON  TRES. DE NOVE.

SEGUIMOS  A VOLTAS COS ANIMAIS.
  ¡ OLLO ! ==>  MIRADE BEN AS NORMAS DO PINCORETO:
 AHÍ VAN OUTRAS DÚAS ADIVIÑAS:
  TERCeira:
   en dúas castañolas….
   estou encerrado.  
   ao sacarme do mar
   póñome colorado.….
CUARTa ADIVIÑA:
 canto en la orilla,
 vivo en el agua.
 no soy pescado,
  ni soy cigarra.
boa sorte!!        

    NORMAS DO PINCORETO:    :
 1.      as respostas clariñas Co voso nome co curso no que estades (NON SON ADIVIÑO).
 2.      DEIXADE AS RESPOSTAS NA CAIXA DOS OLLOS QUE ESTÁ NOS EXPOSITORES DA ENTRADA. 
  3.      haberá unha listaxe cos gañadores e gañadoras ao remate desta actividade no blog e no mural da biblioteca.
 4.      TEDES DÚAS SEMANAS PARA RESOLVER CADA PINCORETO.

luns, 30 de abril de 2018

O MAIO


Hoxe foi dia de maios.
A pesares do que choveu esta fin de semana houbo fiuncho, flores e ovos abondo para montar o noso maio.
Foi unha actividade na que todo o colexio participou.
Mentras os maiores enfiaban o fiuncho para facer a base do maio, outros cortaban os talos das flores para que outros as enfiaran facendo grilandas coloridas.
Logo do recreo, como chovía, baixamos ao ximnasio para cantar os maios que fixemos e aprendemos entre todos.
Os alumnos e as alumnas de 6º de primaria andaron e cantaron arredor do maio.

Gracias a Jose, o noso conserxe, a estrutura do maio que quedará de aquí en adiante preparada para os maios do cole.


venres, 27 de abril de 2018

DIA MUNDIAL DO LIBRO

Este luns celebramos no colexio, un ano máis,   unha xornada de lecer e lectura coas actividades de Libros a Fóra na que facemos unha xornada de lectura no patio enparellados nenos e nenas de distinto nivel lector. 
 Calquera recuncho valía
 Uns querían sol e outros sombra.
Calquer sitio era bo.
Por sorte acompañóunos o bo tempo un ano máis.
Todos o alumnado escolle un do seus libros preferidos para llo contar a súa parella lectora no patio. 
 Os voluntari@s da biblioteca recollen aos máis pequeniños e encárganse da recollida dos libros da biblioteca para levalos os andeis.
Rematando a última sesión baixamos ao patio cuberto para a "Lectura Colectiva do Quixote", este ano o capítulo escollido foi La aventura de Calvileño. 
Leron dúas nais, dous voluntarios e dous profesores representando a comunidade educativa neste acto aberto a todos.
Se queredes ver máis...
Graciñas a toda a comunidade educativa pola súa colaboración.